Aurkezpena

Garai eta teknologia berriek jokaera eta ohitura berriak sortarazi dituzte jendartean. Gaur egun, web orri bat izatea modan egoteaz gain, ezinbesteko tresna da munduaren erakuslehio bilakatu den internet sarean agertu nahi dutenentzat.

Saretu beharrizan berri hau asetzera dator: edozein instituzio, antolakunde edo norbanakoren proiektuak mundu osoaren eskura egon daitezen laguntzea. Horretarako, diseinu grafikoan, komunikazioan zein web programazioan esperientzia zabala duten gazte profesional eta dinamikoek osatzen dute Saretu. Euskal Herriko Unibertsitateak (UPV/EHU), José Unanue Fundazioak, ESAIT eta Taupaka elkarteek edota Tapia eta Leturia eta Itziarren Semeak bezalako musika taldeek gugan konfidantza eduki izana dira gure lanaren bermea.

Web orri berritu honetan, zerbitzuak atalean sareen sarean presente egon ahal izateko eskaintza eta pakete desberdinak aurkezten dizkizuegu, bakoitzaren beharrizan zehatzetara molda daitezkeenak. Horrez gain, orain arte garatutako lan desberdinen adibideak ikusgai dituzue proiektuak atalean.

Bukatzeko, gure zerbitzuen inguruan edozein gauza galdetzeko ez izan zalantzarik gurekin harremanetan jartzeko kontaktua atalaren bidez.